Dr. Selman Aude ka shprehur mirënjohjen e tij për dhomën e Tregtisë të Rijadit, e cila iu përgjigj thirrjeve për anulimin e takimit mes biznesmenëve saudianë dhe atyre rusë, si protestë për mbështetjen e Moskës ndaj regjimit sirian.

Ai u ka bërë thirrje të gjithë biznesmenëve saudianë që ta bojkotojnë takimin me biznesmenët rusë, si shenjë solidariteti me popullin e përvuajtur sirian. Në llogarinë e tij në Twitter, ai është shprehur:”I bëj thirrje çdo personi që i dhemb gjakderdhja e fëmijëve dhe grave në Siri, që ta bojkotojë këtë takim. Kjo është më e pakta që mund të bëjmë për të protestuar tek politika ruse e cila po i injoron ndjenjat e popujve arabë.”

Kreu i këshillit të dhomave tregtare të Arabisë Saudite, Abdurrahman Xherisi, vendosi që takimi të anulohet përfundimisht. Ai i dërgoi një telegram ambasadorit rus në Rijad në të cilin e njoftonte për vendimin e fundit dhe arsyen e anulimit të takimit.

Nga ana tjetër, shejh Selman Aude ka bërë thirrje që Ushtria Siriane e Lirë të mbështetet financiarisht, duke lejuar dhe dhënin e zekatit për të. Ai tha se kushdo që ka ndërmend ta japë zukatin në Ramazan, mund ta japë dhe paraprakisht që tani.

Aude u shpreh se heshtja ndërkombëtare ndaj krimeve të regjimit në Siri, është miratim dhe mbështetje për masakrat e këtij regjimi sektar. Ai tha se kur shtete perëndimor deklarojnë se nuk do të ndërhyjnë ushtarakisht në Siri, thjesht e qetësojnë regjimin pas çdo masakre të kryer. /ardhmeriaonline/