Mohamed Mursi është kandidat për president i Partisë për Liri dhe Drejtësi, që në zgjedhjet e fundit parlamentare ka fituar shumicën.

Në një takim që ka pas Beqir Ismaili, këshilltari i ministrit Enver Hoxhaj, me Mursin, e ka njoftuar atë për të arriturat e Kosovës dhe ka shprehur interesimin për thellimin e bashkëpunimit ndërmjet dy popujve e vendeve.

Kështu kandidati për president të Egjiptit, Mohamed Mursi, në këtë takim me Ismailin, ka deklaruar se e mbështet lirinë e popullit të Kosovës dhe vlerëson sakrificat e tij për liri e pavarësi. Ai ka deklaruar se populli egjiptian ka mbështetur gjithnjë pavarësinë e Kosovës dhe nëse zgjidhet president, shumë shpejt do të marrë vendimin për njohjen e Kosovës./mesazhi/