Të mendojmë se njeriu ka një dyqan për të siguruar jetesën. Atij i duhet që çdo ditë ta mirëmbajë dyqanin me furnizime të ndryshme dhe t’i mirëpret blerësit. Por, çfarë ndodh nëse ai nuk shkon një ditë në dyqan? Po nëse për dy, tri, katër apo pesë ditë nuk shkon? Ai do ta ketë një humbje të madhe. Përfundimisht, ai do të dështon nëse vazhdon kështu.

Si muslimanë, jemi prezentues të Islamit në këtë botë. Detyra jonë është të praktikojmë Islamin tërësisht dhe t’u tregojmë njerëzimit se çka është Islami.

Shumë nga ne, nuk e kanë përmbushur këtë detyrë për 20 vite! Disa për 60 vite! Por ç’është puna e atyre që për shumë vite nuk e kanë bërë një gjë të tillë?

E gjithë bota është e prekur nga kjo. Shumica e jomuslimanëve vdesin si jomuslimanë dhe muslimanët vdesin pa iman dhe pendim. Mos të na kaplojë lumturia nëse shohim një apo dy njerëz që janë bërë muslimanë. Në vendet e Afrikës, Amerikës Jugore, etj. shumë muslimanë e kanë braktisur Islamin për disa para dhe ushqim. Nëse ne muslimanët do të bënim punën tonë, atëherë asnjë nuk do të kishte mbetur i uritur në këtë botë. Po ta paguanim zekatin tonë, asnjëri nga ne nuk do ta blente zjarrin me pak dollarë të misionarëve.

islamcan.com
Përktheu: Safet Pllana