Heroit më të ri
(Enver Zymberit)

Hienat dinake po lëvizin
Tokën ngadalë po na grabisin
Jetojnë në ëndrra mitologjike
Vjedhin trojet e Shqipërisë Etnike

Mitrovica thërret me zë vajtues
Nuk mund të duroj më pushtues
Zgjoheni bijtë e këtij vatani
A ka djem zemër shqiptari?

Se toka mua po më digjet
Për çdo ditë ajo venitet.
Dilni krahë tokës stërgjyshore
Se na vrau tradhtia bashkëkohore.

Zërit të Mitrovicës iu përgjigjën
Djemtë më të mirë prapë iu gjinden
Enver Zymberi heroi më i ri
Nuk kursej asgjë për këtë Shqipëri

Sa e bukur je Kosovë Sovrane
Enveri dha jetën për shtetësinë tande
Nuk do harrohesh sa të jetë moti
Me Xhenet të shpërbleftë Zoti.

Albin Mehmeti
Korrik 2011